Мікалай Аўтуховіч прыпыніў галадоўку
23 чэрвеня Мікалай Аўтуховіч прыпыніў галадоўку пратэсту пасля сустрэчы з галоўным лекарам мінскага следчага ізалятара і абяцання, што яго асноўнае патрабаванне - пратэзіраванне зубоў - будзе задаволена.
Пакуль што Аўтуховіч чакае візіта медыцынскага работніка. Дзень візіта яшчэ не вызначаны, але гэта павінна адбыцца на працягу бліжэйшых дзён - паведаміў адвакат зняволенага Павел Сапелка:
- Будуць ужо ажыццяўляцца нейкія крокі, яго наведае медыцынскі работнік, які не мае дачынення да сістэмы Дэпартамента выканання пакаранняў, і будуць вызначаць тактыку лячэння. Прынятае рашэнне прыпыніць галадоўку.
Мікалай Аўтуховіч знаходзіцца ў мінскім следчым ізалятары з 8-га лютага 2009 году. Год таму ён ужо трымаў галадоўку, пратэстуючы супраць затрымання і крымінальнага пераследу.
