Спаборніцтва як форма яшчэ большай ідэалагізацыі дзяржаўных СМІ

2006 2006-01-23T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Днямі ў магілёўскай прэсе было апублікавана рашэнне аблвыканкаму аб арганізацыі штогадовага абласнога спаборніцтва сярод дзяржаўных абласных, гарадскіх і раённых газет, а таксама асобных журналістаў, што працуюць у гэтых выданнях. Конкурс праводзіцца "з мэтай павышэння ідэйна-змястоўнага ўзроўню дзяржаўных перыядычных выданняў", адзначае прэс-служба ГА "Беларуская асацыяцыя журналістаў".

Падвядзенне вынікаў спаборніцтва адбудзецца ў красавіку. Вызначаць тых, хто дасягне найлепшых вынікаў, аблвыканкам даручыў адмысловай камісіі на чале з намеснікам старшыні аблвыканкама па ідэалогіі Анатолем Глазам, у якую разам з журналістамі ўвайшлі прадстаўнікі дзяржаўных грамадскіх арганізацый і ўтварэнняў (да прыкладу, БРСМ і абласной Каардынацыйнай рады грамадскіх і палітычных арганізацый, створанай ранейшым рашэннем таго ж аблвыканкаму), а таксама чыноўнікі розных узроўняў.
Сродкі для заахвочвання пераможцаў спаборніцтва будуць выдаткаваныя з абласнога бюджэту. Паводле рашэння аблвыканкаму, два лідэры ў групе раённых дзяржаўных газет атрымаюць па аўтамабілі. Сярод асобных журналістаў будзе вызначана 10 пераможцаў, якіх заахвоцяць грашовымі прэміямі памерам да 500 базавых велічынь.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international