Праваабаронцы Германіі праводзяць акцыю ў падтрымку Тацяны Шапуцька

2010 2010-06-24T09:51:00+0300 1970-01-01T03:00:00+0300 be http://spring96.org/files/images/sources/shapucka_t.jpg

Нямецкая праваабарончая арганізацыя праводзіць новую акцыю ў падтрымку Тацяны Шапуцька, адлічынай па палітычных матывах  з БДУ ў снежні 2009 года.

Як перадае БелаПАН, праваабаронцы з арганізацыі Libereco - Partnership for Human Rights надрукавалі паштоўкі ў падтрымку моладзевай актывісткі і прапаноўваюць усім жадаючым накіроўваць іх у Міністэрства адукацыі Беларусі з заклікам аднавіць дзяўчыну на вучобе.

Прэс-сакратар міжнароднай моладзевай арганізацыі «Малады фронт» (Чэхія) Тацяна Шапуцька вучылася на юрыдычным факультэце БДУ па спецыяльнасці «Паліталогія». Прычынай адлічэння стаў яе ўдзел у Форуме грамадзянскай супольнасці праграмы «Усходняе партнёрства» у Брусэлі 16-17 лістапада без дазволу дэканата. Пра магчымасць адлічэння стала вядома ў першы дзень форуму. 3 сьнежня Тацяна была адлічаная з БДУ.

Пытанне аб выключэнні студэнткі з ВНУ ўздымалася на сустрэчы прадстаўнікоў ЕС з беларускімі ўладамі ў канцы 2009 года. Карл Більдт, кіраўнік МЗС Швецыі, якая на той час старшынствавала ў Еўрасаюзе заявіў: «абсалютна непрымальна», калі адлічэньне з БДУ адбылося з-за ўдзелу Шапуцька ў Форуме грамадзянскай супольнасці.

Т. Шапуцька спрабавала аспрэчыць сваё адлічэнне ў судзе, аднак 26 сакавіка суд Маскоўскага раёну Менску не задаволіў яе скаргу.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international