Гомельскі аблвыканкам "прыняў да ведама" заяву гомельскай гарадской арганізацыі ГА "Беларуская асацыяцыя журналістаў" ад 12.01.2006, якая тычылася пазбаўлення акрэдытацыі карэспандэнткі БелаПАН Алены Пасканнай.

2006 2006-01-23T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Як паведаміла прэс-служба БАЖу, гэта адзінае, што гаворыцца ў пісьмовым адказе за подпісам начальніка ўпраўлення ідэалагічнай працы выканкама Анатоля Кацілы. 21 студзеня на просьбу прадстаўнікоў БАЖ пракаментаваць гэткі лаканічны адказ і паведаміць, што канкрэтна будзе зроблена для аднаўлення нармальных умоваў працы для журналісткі, сп. Каціла заявіў, што ён не абавязаны даваць тлумачэнні.

У афіцыйным паведамленні аб пазбаўленні А. Пасканнай акрэдытацыі, якое ў пачатку снежня мінулага года БелаПАН атрымаў ад намесніка старшыні Гомельскага аблвыканкама Пятра Кірычэнкі, гаварылася, што гэтае рашэнне прынятае "ў сувязі з парушэннем ёю ўстаноўленых правілаў акрэдытацыі".
А. Пасканная лічыць, што намер пазбавіць яе акрэдытацыі з'явіўся ў аблвыканкама пасля апублікавання ёй інфармацыі паводле прэс-рэлізу абласнога Камітэта дзяржкантролю па выніках праверак уборкі зерневых у гаспадарках вобласці. Пасля гэтага А. Пасканнай перасталі паведамляць пра мерапрыемствы, якія праводзіць аблвыканкам, а потым не дапусцілі на сустрэчу віцэ-прэм'ераў Беларусі і Украіны, спаслаўшыся на "частковае" пазбаўленне акрэдытацыі. Прэс-сакратар аблвыканкама Яўген Пабалавец заявіў ёй, што на некаторыя мерапрыемствы яе будуць запрашаць, а на некаторыя - не, і што аблвыканкам сам вырашае, каго акрэдытоўваць.
Алена Пасканная лічыць, што аблвыканкам выкарыстоўвае акрэдытацыю як спосаб абмежавання доступу журналістаў недзяржаўных СМІ да афіцыйнай інфармацыі.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international