Апазіцыйнага экс-кандыдата звальняюць з працы

2010 2010-06-02T11:22:52+0300 1970-01-01T03:00:00+0300 be http://spring96.org/files/images/sources/cieliapun_mazyr.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Кандыдат  у дэпутаты Гомельскага аблсавета  Уладзімір Целяпун, сябра Партыі БНФ

Кандыдат у дэпутаты Гомельскага аблсавета Уладзімір Целяпун, сябра Партыі БНФ

Экс-кандыдат у Гомельскі абласны Савет дэпутатаў па Палескай выбарчай акрузе № 43 Уладзімір Целяпун 31 траўня, пасля адпачынку, атрымаў уведамленне аб спыненні з ім працоўнага кантракта з 30 чэрвеня 2010 года. Дэмакратычны актывіст працуе на пасадзе начальніка тэхнічнага аддзела ААТ "Беларускабель".

Уладзімір Целяпун адзначае, што ні прычын, ні тлумачэнняў з нагоды прыпынення кантракта ад наймальніка ў асобе дырэктара ААТ "Беларускабель" ён не атрымаў, але дапускае дзьве магчымыя прычыны. 

- На прайшоўшых мясцовых выбарах я балатаваўся ў Гомельскі аблсавет і Мазырскі райсавет. Спачатку ў абодвух выпадках мне было адмоўлена ў рэгістрацыі, але пасля абскарджвання ў Гомельскую абласную выбарчую камісію я быў адноўлены ў якасці кандыдата ў дэпутаты Гомельскага аблсавета, - распавядае Ул.Целяпун. - Апазіцыйны кандыдат павінен быць беспрацоўным - гэта пазіцыя рэжыма. Займаць пэўную пасаду і паказваць яе ў графе "месца працы" - не пажадана. А калі яшчэ ёсць значная падтрымка выбаршчыкаў - тым болей.

Акрамя таго, Уладзімір Целяпун быў кіраўніком выбарчага штаба палітжаўнера, кандыдата ў дэпутаты Мазырскага райсавета Францішака Вячоркі і аказаў яму значную падрымку ў Мазыры падчас выбарчай кампаніі.

Другую з прычынаў Уладзімір Целяпун звязвае з сітуацыяй на прадпрыемстве.

- Наймальнік, дырэктар ААТ "Беларускабель", за апошнія паўгады не працягнуў кантракты, па розных прычынах, з некалькімі супрацоўнікамі, якія займалі кіруючыя пасады, а хтосьці звольніўся сам. Але ў мой адрас не агучваліся ніякія прэтэнзіі, заявы на звальненне я таксама не пісаў, - тлумачыць Ул.Целяпун. – Аднак, з'яўляючыся начальнікам тэхнічнага аддзела, я не ішоў на кампрамісы з дырэктарам прадпрыемства ў пытаннях выпуску няякаснай кантфрактнай прадукцыі з парушэннем ГАСТАў і Тэхнічных умоваў, выкарыстання няякасных матэрыялаў для вырабу кабельнай прадукцыі. Меў сваё ўласнае меркаванне наконт працы і дзейнасці дырэкцыі і не баяўся агучыць яго на паседжаннях. 

Дэмакратычны актывіст мяркуе, што абедзьве прычыны ў сукупнасці маглі паўплываць на рашэнне кіраўніцтва ААТ "Беларускабель".

На гэта прадпрыемства Уладзімір Целяпун прыйшоў працаваць у 1976 годзе, адразу пасля службы ў войску. Паколькі ў Беларусі спецыялістаў-кабельшчыкаў не рыхтуюць, то па накіраванні прадпрыемства вучыўся ў Ленінградскім палітэхнічным інстытуце імя М.І. Калініна, які скончыў у 1985 годзе. Працаваў апрасоўшчыкам правадоў, майстрам, старэйшым майстрам, інжынерам-тэхнолагам, начальнікам бюро цэха, начальнікам бюро новай тэхнікі. З 2004 г. займае пасаду начальніка тэнічнага аддзела ААТ "Беларускабель". За час працы спагнанняў не меў. 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international