У Гародні перасьледуюць Дзьмітрыя Бандарчука

2010 2010-05-28T10:53:16+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

На сябра АГП з Гародні Дзьмітрыя Бандарчука завялі адміністратыўную справу нібыта за незаконны распаўсюд газеты “Новы Час”.

Нагадаем, што 14 траўня гарадзенскія міліцыянты затрымалі дэмакратычнага актывіста, калі той нёс 200 асобнікаў афіцыйна зарэгістраванай газеты ў сваю машыну. Увесь атрыманы наклад “Новага Часу” забралі пасьля складаньня адпаведнага пратаколу, нягледзячы на тое, што ў Дзьмітрыя Бандарчука была на руках афіцыйная даведка з пячаткай, выданая рэдакцыяй, дзе было засьведчана, што ён з’яўляецца грамадскім распаўсюднікам газеты.

Зараз міліцыянты сьцьвярджаюць, што ў газеце зьмешчаны не ўсе выходныя даныя і такім чынам Бандарчук нібыта распаўсюджваў нелегальную друкаваную прадукцыю.

Дата разгляду адміністратыўнай справы пакуль не прызначаная. Але варта яшчэ прыгадаць, што 18 траўня ў Бандарчука ў кватэры, а таксама на лецішчы былі зьдзесьнены два вышукі па справе кампаніі “Гавары праўду”, што сьведчыць пра сісітэмны перасьлед грамадска-палітычнага актывіста.

 

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international