На волю выйшлі дзевяць расейцаў і два беларусы, затрыманыя 14 студзеня за "надпісы антыпрэзыдэнцкага характару".
17.01.2006.
Маладым людзям інкрымінавалі хуліганства за, нібыта, антыпрэзыдэнцкія графіці на сьценах у цэнтры Менску. Артыкул крымінальнага кодэксу нумар 339 частка 2 дазваляў беларускім уладам зьняволіць затрыманых да шасьці гадоў. Пацярпелыя грамадзяне РФ належаць да розных дэмакратычных і студэнцкіх рухаў Расеі, і прыбылі ў Беларусь з прыватным візытам. Паводле словаў аднаго з затрыманых -- Івана Ніненкі -- іх вызваленьне з СІЗО менскай гарадзкой міліцыі адбылося дзякуючы ўмяшальніцтву расейскага консульства.Дадаць камэнтар
Вы павінны зарэгістравацца альбо ўвайсьці ў сыстэму , каб мець магчымасьць пакідаць камэнтары
Камэнтары
Камэнтароў да гэтага артыкулу няма
