КДБ зацікавіўся ўкраінскай дыяспарай
Больш дзесяці год Камітэт дзяржаўнай бяспекі не цікавіўся актывістамі і грамадскай дзейнасцю ўкраінскай дыяспары ў Брэсцкай вобласці, але апошнія падзеі змянілі гэтую сітуацыю.
Цягам двух месяцаў КДБ з выкарыстаннем адміністрацыйнага рэсурсу вядзе правакацыі супраць актывістаў і паклёпнічае. Гэтая сітуацыя пагаршае стан украіністыкі ў педуніверсітэце Брэста, якую збіраюцца ліквідаваць. Галоўнай прычынай закрыцця з'яўляецца тое, што выпускнікі не маюць магчымасці рэалізоўваць сваю прафесію. Генеральны консул Украіны ў Брэсце Іван Баранчык узгадвае аб падпісаных пагадненнях Лукашэнкі з Юшчанкам.
- Сам прэзідэнт Беларусі пацвердзіў, што будзе праводзіцца навучанне ў ВНУ украінскай мове, а ў ВНУ украінскіх - беларускай мове.
Датычна ціску з боку КДБ на афіцыйнай інтэрнэт-старонцы украінскай меншасці Брэстчыны з'явілася заява, у якой актывісты выказваюць свае абурэнне дзеяннямі ўладаў.
