Чарговы суд над Каваленкамі

Віцебскага актывіста Сяргея Каваленку сёньня чакае яшчэ адзін суд, на гэты раз адміністратыўны. Ён пачнецца ў 14.30 ў Першамайскім раённым судзе Віцебска. Сяргея ды ягонага брата Віталя вінавацяць у хугіганстве.

Нагадаем, што раніцай 9 траўня Сяргея Каваленку разам з братам Віталём безпадстаўна затрымалі амапаўцы. Іх адвезлі ў пастарунак, склалі пратаколы аб дробным хуліганстве, а затрыманых змясьцілі ў ізалятар часовага ўтрыманьня. Вызвалілі іх толькі раніцай, прызначыўшы разгляд адміністратыўнай справы ў Першамайскім судзе Віцебска на 24 траўня. З абвінавачаньнем у хуліганстве браты ня згодныя. Паводле Сяргея Каваленкі, іх затрымалі ў харчовай краме, калі яны выйшлі з дому набыць прадукты.