Трох актывістаў затрымалі ў Магілёве за распаўсюд "праўды"
Супрацоўнікі міліцыі даставілі ў Леніскі РАУС Магілёву актывістаў Аксану Самойлаву і Канстанціна Тыртычнага, якія раздавалі работнікам заводу «Ліфтмаш» газету «Свабодныя новости плюс». Яшчэ адна распаўсюдніца Аксана Закрэўская паабяцала сама прыехаць у пастарунак.
Па словах Аксаны Самойлавай, супрацоўнікі аховы прадпрыемства, якія затрымлівалі актывістаў і выклікалі міліцыю, паводзілі сябе па-хамску, парвалі ёй куртку.
Затрыманыя актывісты распаўсюджвалі газеты на знак салідарнасьці з актывістамі грамадзянскай кампаніі «Гавары праўду», якія сутыкнуліся з перасьледам сілавых структураў. У «СН-плюс» зьмешчаная інфармацыя пра праект грамадзянскай кампаніі «Гавары праўду» «Сто твараў беспрацоўя». Распаўсюджвалі газэту актывісты на прылеглай да заводу тэрыторыі.
