Аўтамабілісты збіраюцца байкатаваць...аўтазапраўкі

2010 2010-05-17T11:35:41+0300 1970-01-01T03:00:00+0300 be http://spring96.org/files/images/sources/stop_benzin.jpg

Акцыя пратэсту супраць чарговага падвышэння коштаў на паліва распачалася ў гэтыя дні па ўсёй Беларусі. Ініцыятары кампаніі "Стоп Бензін" заклікаюць аўтамабілістаў краіны абмежаваць свае паездкі, а з 1 да 4 чэрвеня ўвогуле не наведваць запраўкі.

Ужо створаны адмысловы сайт «Стоп бензин!». Днямі пачнецца распаўсюд кашулек і налепак з лагатыпам акцыі.

Абурэнне ўладальнікаў аўтамабіляў выклікала чарговае падаражанне коштаў паліва: 12 траўня яны выраслі ў сярэднім на 6%.

Ініцыятары акцыі звяртаюць увагу на тое, што гэта ўжо трэцяе падаражанне за гэты год.

Гэтым разам прычынай з'яўлення новых расцэнак стала павышэнне расійскіх пошлін на нафту.

"Але чаму мы павінны купляць бензін, які выраблены з нафты, набытай для ўнутранага выкарыстання, а гэта 6,3 млн. тон нафты, якая пастаўляецца нам без пошлін?

Значыць, нас падманваюць! Чаму мы павінны пакутаваць і купляць бензін па тых коштах, якія не адпавядаюць нашаму ўзроўню прыбыткаў???" - задае рытарычныя пытанні адзін з арганізатараў акцыі на згаданым вышэй сайце.

Мяркуючы па каментарах на сайце avtogrodno.by, акцыю гатовыя падтрымаць і многія гарадзенскія аўтааматары, паведамляе гарадзенскі Твой Стыль

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international