Амбасада ЗША заклікае ўлады расьсьледаваць парушэньні на выбарах

2010 2010-04-29T10:50:00+0300 1970-01-01T03:00:00+0300 be

Амбасада ЗША заклікае беларускія ўлады "адкрыта і бесстаронна" расьсьледаваць выпадкі парушэньняў падчас кампаніі выбараў у мясцовыя саветы.

У камэнтары БелаПАН у прэс-службе амэрыканскай дыпмісіі адзначылі, што, "наколькі вядома амбасадзе, паведамленьні аб парушэньнях паступалі як у дзень выбараў, так і падчас падрыхтоўкі да выбараў". У прыватнасьці, паступалі паведамленьні аб "запалохваньні і ціску на незалежных кандыдатаў, абмежаваньні на правядзеньне перадвыбарнай кампаніі, злоўжываньні падчас датэрміновага галасаваньня і падліку галасоў, а таксама аб абмежаваньні дзейнасьці мясцовых і міжнародных назіральнікаў".

"Калі гэтыя скаргі акажуцца абгрунтаванымі, то мясцовыя выбары могуць стаць страчанай магчымасьцю для Беларусі і яе народу", – заяўляюць у пасольстве ЗША.

У дыпмісіі нагадалі пра канструктыўнае рашэньне беларускага кіраўніцтва запрасіць вясной 2009 году прадстаўнікоў Бюро АБСЭ, грамадзкіх арганізацыяў і палітычных партыяў да абмеркаваньня пытаньня аб тым, як наблізіць выбарчае заканадаўства Беларусі да міжнародных і эўрапейскіх стандартаў.

"На жаль, гэтае супрацоўніцтва спынілася гэтак жа нечакана, як і пачалося. Выбарчы кодэкс быў прыняты безь якога-небудзь папярэдняга грамадзкага абмеркаваньня", – адзначылі ў амбасадзе ЗША.

Амэрыканскія дыпляматы выказалі надзею на тое, што "канструктыўны дыялёг, пачаты вясной 2009 году, будзе адноўлены і пройдзе адкрыта і празрыста перад правядзеньнем наступных выбараў".

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international