У Баранавічах працягваюцца суды над чытачамі газет Народная воля;.

2006 2006-01-12T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

12 студзеня 2006 г. у судзе Баранавіцкага р-на і г. Баранавічы адбыўся чарговы разгляд адміністратыўнай справы супраць мясцовага актывіста апазіцыі Віктара Сырыцы. Паводле пратаколаў супрацоўнікаў міліцыі В. Сырыца абвінавачваўся ў тым, што прымаў удзел у несанкцыянаваным пікеце, чым парушыў арт. 167.1 КаАП Рэспблікі Беларусь. Супрацоўнікі міліцыі лічылі, што з’яўленьне ў грамадскім месцы з газетай “Народная воля” у руках з’яўляецца несанкцыянаваным масавым мерапрыемствам. Не гледзячы на довады В. Сырыцы, ягонанага абаронцы, судзьдзя Капачэўская прыйшла да высновы, што ў дадзеным выпадку было зьдзейснена правапарушэньне і пастанавіла аштрафаваць В. Сырыцу на 870000 рублёў.
Варта нагадаць, што сп. Сырыца на прыканцы мінулага году быў вымушаны зысьці з працы выкладчыка Эканамічна-юрыдычнага каледжу ў сувязі з ціскам, які быў аказаны на яго з боку адміністрацыі навучальнай установы і Баранавіцкага гарвыканкама. Прадстаўнікам мясцовай улады вельмі не спадабалася, што В. Сырыца, ў вольны ад заняткаў час, арганізаваў сустрэчу студэнтаў Каледжу з лідэрам аб’яднанай апазіцыяй Аляксандрам Мілінкевічам.
Заўтра ў судзе Баранавіцкага р-на і г. Баранавічы адбудзецца разгляд аналагічнай справы ў адносінах мясцовага актывіста Віктара Мізяка.
Трэба адзанчыць, што В. Мізяк, В. Сырыца і аштрафаваны паводле пастановы суда А. Блінкоўскі, з’яўляюцца сябрамі ініцыятыўнай групы па вылучэньні ў якасьці кандыдата ў Прэзідэнты Рэспублікі Беларусь А. Мілінкевіча.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international