4 сакавіка суд Асіповіцкага раёну зьмяніў прысуд Міколу Маркевічу (рэдактару, зачыненай ўладамі гродзенскай недзяржаўнай газеты «Пагоня») на папраўчыя работы па месцы жыхарства з утрыманьнем 15 працэнтаў заробку
Рашэньне суда Асіповіцкага раёну адпавядае прынятай практыцы, паводле якой пасьля адбыцьця трэці тэрміну асуджанаму могуць зьмяніць прысуд на больш мяккі. 5 сакавіка М. Маркевіч вярнуўся ў Гродна.
Рэдактар газеты «Пагоня» Мікола Маркевіч быў асуджаны Ленінскім раённы судом г.Гродна 24 чэрвеня 2002 года па Арт. 367 КК РБ (паклёп у адносінах прэзідэнта) на два з паловай гады абмежаваньня свабоды з адбыцьцём пакараньня ў папраўчай установе адкрытага тыпу пры Асіповіцкім РУУС.
Другі асуджаны журналіст газеты «Пагоня» Павел Мажэйка застаецца адбываць пакараньне ў папраўчай установе адкрытага тыпу пры Жлобінскім РУУС, бо Вярхоўны суд пакінуў ў сіле прысуд, вынесены Ленінскім раённым судом г.Гродна 24 чэрвеня 2002 года па АРт.367.ч 2. КК РБ – два гады абмежаваньня свабоды, пазьней тэрмін быў скарочаны да аднаго года, згодна закону аб амністыі.
