У Сьветлагорску (Гомельская вобласьць) міліцыя затрымала грамадзяніна Фёдара Поляка - за тое, што ў яго была газэта “Рэгіянальныя навіны”.

12.01.2006.

Па словах Ф. Поляка, яму патрапіўся дзесьці асобнік “Рэгіянальных навінаў”. У партыях ці грамадзкіх арганізацыях Ф. Поляк не ўдзельнічае. Тое, што пэнсіянер прачытаў у газэце, так уразіла яго, што ён вырашыў даць пачытаць газэту яшчэ-каму небудзь. Але калі выйшаў на вуліцу, яго з газэтай у руках ўбачылі міліцыянты, якія схапілі яго і пацягнулі ў раённы аддзел міліцыі.

У міліцыі Ф. Поляка прымусілі даваць тлумачэньні. У час роспытаў пэнсіянер адчуў сябе кепска, але міліцыянты не сталі выклікаць мэдычную дапамогу.

“Рэгіянальныя навіны” – незалежнае выданьне, якое ў Сьветлагорску рыхтуецца і распаўсюджваецца грамадзкімі актывістамі і актыўнымі грамадзянамі.

Дадаць камэнтар

Камэнтары