Мікалай Лазавік – назіральніку: Калі вас не пусцяць у тэрытарыяльную камісію, то яны будуць мець рацыю

2010 2010-04-25T19:50:24+0300 1970-01-01T03:00:00+0300 be http://spring96.org/files/images/sources/lozovik.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Агульнавядома, што артыкул 13 Выбарчага кодэксу абвяшчае выбары ў Беларусі адкрытымі і галоснымі. Ці ж так гэта на самой справе? Назіральнік Сяргей Гоўша, які мае вялікі досвед назірання, добра памятае, як яго раней не дапускалі да назірання ў Баранавіцкую тэрытарыяльную выбарчую камісію, якая заўжды месцілася ў гарвыканкаме (як і зараз).

Таму Сяргей Гоўша вырашыў загадзя пракансультавацца ў сакратара Цэнтральнай выбарчай камісіі Мікалая Лазавіка.

Патэлефанаваўшы 24 красавіка ў Цэнтрвыбаркам, назіральнік распавёў Лазавіку, як яго раней не пускалі ў дзень галасавання ў тэрытарыяльную камісію, заяўляючы, што ён можа прысутнічаць назіральнікам у дзень выбараў толькі на пасяджэнні тэрытарыяльнай камісіі. Далей Сяргей Гоўша выказаў сваё меркаванне наконт таго, што праца камісіі па прыёму выбарчых бюлетэняў і пратаколаў з участкаў і праводзіцца ў рэжыме пасяджэння. А інакш - як яна можа прымаць пратаколы і галасаваць аб прыняцці ці непрыняццці гэтых дакументаў? Таму назіральнік і запытаўся, якога меркавання ў гэтым пытанні прытрымліваецца М.Лазавік.

Сакратар ЦВК адказаў, што згодна арт.13 ВК назіральнік можа прысутнічаць толькі на пасяджэнні камісіі. Ён тлумачыў: “Мы ж таксама працуем, і да нас прыходзяць назіральнікі - толькі на пасяджэнне. Ёсць пасяджэнне, ёсць парадак дня, тады разглядаецца пытанне, хтосьці там прапануе праект рашэння. А як там рыхтуецца пытанне – гэта ўсё не на пасяджэнні. У нас ёсць апарат у Цэнтральнай камісіі. Яны штосьці правяраюць, вывучаюць, і толькі потым на пасяджэнні камісіі, у прысутнасці назіральнікаў, разглядаецца гэтае пытанне. І калі заўтра вас не пусцяць у тэрытарыяльную камісію, то яны будуць мець рацыю”.

- Выходзіць, што мы нічога не можам назіраць? – перапытаў С.Гоўша ў сакратара ЦВК?

- Гэта няправільна, гэта ваш пункт гледжання, вы можаце прысутнічаць на пасяджэнні,– адказаў Мікалай Лазавік.

Выходзіць, што назіральнік на выбарчым участку можа сядзець на адлегласці 14-15м. і глядзець на спіны сябраў камісіі. А прысутнічаць пры перадачы бюлетэняў у тэрытарыяльнай камісіі – нельга. Дык ці назіранне гэта, задае рытарычнае пытанне Сяргей Гоўша.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international