Менск: Затрыманыя распаўсюднікі агітацыйных улётак Вінцука Вячоркі

2010 2010-04-23T17:48:36+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Літаральна некалькі хвілінаў таму ў Савецкім раёне сталіцы супрацоўнікі міліцыі затрымалі двух актывістаў, якія распаўсюджвалі ўлёткі за кандыдата па выбарчай акрузе № 43, аднаго з лідэраў Партыі БНФ Вінцука Вячорку. Затрыманыя - лідэр “Моладзі БНФ” Андрусь Крэчка і актывіст арганізацыі Антось Койпіш.

Пра затрыманне паведаміў сам кандыдат. Паводле яго словаў, улёткі, якія распаўсюджвалі А.Крэчка і А.Койпіш, цалкам адпавядаюць патрабаванням заканадаўства, таму прычына інцыдэнту зусім незразумелая.

Відавочна, што затрыманне здзейснена па загадзе. На цяперашні момант адзін з міліцыянтаў трымае актывістаў, а другі пайшоў высвятляць, што з імі рабіць далей.

Дарэчы, ад самага пачатку кандыдат сутыкаўся з адмовай у друку агітацыйнай прадукцыі і з гэтай нагоды падаваў скаргу ў адпаведны выбаркам і Цэнтральную камісію. Як пасля высветлілася, у друкарні наведваліся людзі ў цывільным, якія “раілі” не друкаваць улёткі В.Вячоркі.

“Праваабаронцы за свабодныя выбары”

 

  

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international