Улады ўзмацняюць ціск на апазіцыянераў -- супраць актывіста Паўла Мадшары ўзбуджана крымінальная справа

2005 2005-12-24T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Гомельскі праваабаронца Анатоль Паплаўны паведаміў, што 23 сьнежня ў 23-30 ля ўнівермага "Гомель" быў затрыманы малады актывіст-апазіцыянер Павел Мадшара. Супрацоўнікі міліцыі выцягнулі яго з машыны, паклалі на зямлю і прымусова абшукалі, нібыта знаўшоўшы пры аглядзе наркотыкі.
Паўла Мадшару адвезьлі ў Цэнтральны РАУС Гомеля, дзе супраць яго завялі крымінальную справу аб захаваньні наркотыкаў.
Адседзеўшы ноч ў пастарунку, зранку актывіста павезьлі дахаты, дзе правялі вобшук кватэры, пры гэтым пастанова аб правядзеньні вобшуку была аформленая з пэўным парушэньнем: на ёй адсутнічала пячатка. У кватэры акрамя бел-чырвона-белага сьцяга, партыйных брашур і розных іншых дакументаў і папер міліцыянты нічога не знайшлі -- гэтыя "ўлікі" яны і канфіскавалі.
Праваабаронца Анатоль Паплаўны пракаментаваў затрыманьне наступным чынам: "Ёсьць пэўная заканадаўчая база, і супрацоўнікі міліцыі ў першую чаргу павінны яе прытрымлівацца. Пры затрыманьні і вобшуку дапушчаны пэўныя парушэньні -- гэта відавочна, а падрабязнасьцяў я пакуль ня ведаю, таму больш канкрэтную ацэнку пакуль даць не магу. Буду на месцы, будзем разьбірацца".

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international