У Віцебску будуць судзіць Тараса Сургана

2010 2010-04-23T12:22:04+0300 1970-01-01T03:00:00+0300 be http://spring96.org/files/images/sources/surgan.jpg
Фота \

Фота \

20 красавіка на яго склалі пратакол за ўдзел у несанкцыянаванай акцыі, якую зладзіў каля Кастрычніцкага райсуду сябар Кансэрватыўна-хрысьціянскай партыі БНФ Сяргей Каваленка. Апрача гэтага, Сургана вінавацяць у дробным хуліганстве.

Тараса Сургана разам з братам Сяргея Каваленкі, Віталём, затрымалі ў той самы дзень 20 красавіка. Прычына затрыманьня, паводле актывіста, была несапраўдная: абодвух затрымалі й завезьлі ў Кастрычніцкі РАУС нібыта за тое, што яны спраўлялі патрэбу ў грамадзкім месцы.
Ужо ў пастарунку на абодвух склалі і другі пратакол — за ўдзел у несанкцыянаванай акцыі.
21 красавіка Сяргей Каваленка за акцыю каля Кастрычніцкага райсуду, дзе меўся пачацца разгляд ягонай крымінальнай справы за вывешваньне бел-чырвона-белага сьцяга на гарадзкой навагодняй ёлцы, атрымаў адміністрацыйнае пакараньне — арышт на 7 сутак.
На 6 сутак арыштаваны Віталь Каваленка — за падтрымку старэйшага брата. Абодва браты адбываюць пакараньне ў віцебскім ізалятары часовага ўтрыманьня.
Тарасу Сургану, які з асабістых прычын не зьявіўся на судовае пасяджэньне 21 красавіка, прызначаны суд на 14 гадзін сёньня.
Калі суд прызнае яго вінаватым, Тараса Сургана чакаюць больш сур’ёзныя наступствы, чымсьці ягоных паплечнікаў. З 2-га лютага ён знаходзіцца пад прэвэнтыўным наглядам — з улікам ягонага крымінальнага мінулага і неаднаразовых адміністрацыйных пакараньняў за акцыі зь бел-чырвона-белымі сьцягамі.
За правапарушэньні падчас прэвэнтыўнага нагляду прадугледжана асобнае пакараньне — ад папярэджаньня да абмежаваньня волі на працяглы тэрмін.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international