Абвешчана Школа правоў чалавека

2005 2005-12-23T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Выканаўчае бюро Асамблеі НДА Беларусі абвясьціла, што з пачатку 2006 году пачынае працу Школа правоў чалавека, арганізаваная міжнароднай супольнасцю праваабарончых арганізацый.

Мэтавымі групамі Школы з’яўляюцца моладзь, выкладчыкі, журналісты.

На студзень-жнівень 2006 года запланавана правядзенне шасці сесій (кожная сесія – 7-9 адукацыйных дзён): чатыры сесіі для чатырох груп моладзі, адна сесія для выкладчыкаў і адна сесія для журналістаў. Кожная група ўдзельнікаў – 18-22 чалавекі.

Сесіі будуць праводзіцца ва Украіне і Літве.

У межах праграмы Школы ўдзельнікі пазнаёмяцца з гісторыяй і філасофіяй правоў чалавека, а таксама са сродкамі іх абароны на нацыянальным і міжнародным узроўнях.

Перавага будзе аддавацца ўдзельнікам, якія арыентуюцца ў грамадскай праблематыцы, зацікаўлены ў атрыманні ведаў у галіне правоў чалавека, якія жадаюць і гатовыя дзейнічаць на карысць іх абароны.

Выкладчыкамі Школы з’яўляюцца прадстаўнікі вядучых праваабарончых арганізацый Беларусі і іншых краін, вядомыя і аўтарытэтныя спецыялісты ў галіне правоў чалавека і права. Да ўдзелу ў адукацыйным працэсе будуць прыцягнутыя прадстаўнікі міжнародных праваабарончых арганізацый.

Абвяшчаецца конкурс на ўдзел у 1-ай і 2-ой сесіях
Школы правоў чалавека для моладзі

1-я сесія: 15-21 студзеня 2006 года (ад’езд 14 студзеня, вяртанне 22 студзеня)

2-я сесія: 5-11 лютага 2006 года (ад’езд 4 лютага, вяртанне 12 лютага)

Падача заявак на ўдзел
Для ўдзелу ў Школе прэтэндэнт запаўняе рэгістрацыйную форму разам з CV (каротнае аўтабіяграфічнае рэзюмэ), рэкамендацыйным лістом ад арганізацыі (не абавязкова) і высылае іх электроннай поштай на адрас: belschool@gmail.com
На падставе дасланых дакументаў будуць сфармаваны групы ўдзельнікаў, якім будзе паведамлена інфармацыя арганізацыйнага плану.
Тэрмін падачы рэгістрацыйных форм:
1 сесія: да 5 студзеня 2006 года
2 сесія: да 25 студзеня 2006 года

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international