Уціск на кандыдатаў у Магілёўскай вобласьці.

2003 2003-02-28T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Загадчыца Шклоўскага раённага вузла сувязі Тамара Ігнатовіч аказвае ўціск на кіраўніцу Княжыцкага паштовага аддзяленьня сувязі Алену Крупенька, каб тая зьняла сваю кандыдатуру і ня ўдзельнічала ў выбарах, інакш будзе звольненая з працы. Алена Крупенька -- кандыдат у дэпутаты Шклоўскага раённага Савету па Княжыцкай выбачай акрузе №21 і суперніца намесьніка старшыні Шклоўскага райвыканкаму Анатоля Ісачэнкі. Кандыдатка адмовілася здымаць сваю кандыдатуру, і кіраўніцтвам Шклоўскага раённага вузла сувязі ўжо распачатая праверка дзейнасьці Княжыцкага паштовага аддзяленьня сувязі. Алена Крупенька 27 лютага зьвярнулася ў Пракуратуру з адпаведнай заявай.

На выбарах дэпутатаў Магілёўскага гарадзкога Савету дэпутатаў індывідуальны прадпрымальнік Зміцер Салаўёў зьяўляецца супернікам загадчыка санітарна-гігіенічнага аддзелу Магілёўскага гарадзкога цэнтру гігіены і эпідэміалогіі Мікалая Жыгунова (дэпутат Магілёўскага гарадзкога Савету 23 скліканьня). 25 лютага да З. Салаўёва зьвярнулася судовы выканаўца суду Цэнтральнага раёну г. Магілёву Міронава Мая Анатольеўна з патрабаваньнем аплаты штрафу, накладзенага на прадпрымальніка яшчэ ў 2001 годзе. Штраф, накладзены ў 2001 годзе на З. Салаўёва за невсаечасовую падачу фінансавых дакументаў у падатковую інспекцыю, быў аплочаны ім, згодна з беларускім заканадаўствам, таварамі. Але пазьней судовымі органамі, без ведама прадпрымальніка (што зьяўляецца парушэньнем арт. 511 ГПК РБ), была праведзеная пераацэнка тавараў, у выніку чаго аказалася, што прадпрымальнік вінаваты дзяржаве каля 35 000 рублёў. Пра гэты факт было паведамлена ў Магілёўскую гарадзкую выбарчую камісію па выбарах дэпутатаў Магілёўскага гарсавету. 26 лютага сакратар камісіі Галіна Гурыновіч, патэлефанаваўшы Салаўёву, указала яму на парушэньне ім заканадаўства і прапанавала прыняць адпаведныя захады па аплаце штрафу. Кандыдат у дэпутаты Магілёўскага гарсавету Салаўёў расценьвае дзеяньні суду і гарадзкой выбарчай камісіі як запалохваньне. 27 лютага ім накіраваныя скаргі ў Пракуратуру Цэнтральнага раёну г. Малілёву і абласную выбарчую камісію.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international