Бабруйск: Агітацыйныя ўлёткі за праўладнага кандыдата з’явіліся ў крамах

2010 2010-04-20T17:37:10+0300 1970-01-01T03:00:00+0300 be http://spring96.org/files/images/sources/babruisk1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Уладзімір Стэльмак, дырэктар бабруйскага аўтобуснага парка балатуецца ў абласны Савет дэпутатаў па Жукаўскай выбарчай акрузе №8. Агітацыйныя ўлёткі за гэтага кандыдата з’явіліся ў крамах па вуліцы Пушкіна. Так, напрыклад, “агіткі” ёсць у краме “Кольцо” і раённым прадуктовым аддзяленні - ляжаць стосамі на сталах для пакупнікоў. Па правілах, знаходжанне агітацыйных друкаваных матэрыялаў у пунктах гандлю забаронена, але, як паведаміў сакратар гарадской выбарчай камісіі Яўген Кушнароў, можна развесіць плакаты з дазволу начальства гандлёвай кропкі.

- Раскладаць агітацыйныя матэрыялы па прылаўках ці яшчэ недзе нельга, павінна быць усё акуратна наклеена на шкло, напрыклад, але толькі з дазволу дырэктара ці гаспадара крамы, - распавёў Яўген Кушнароў. – Усё павінна быць акуратна і не перашкаджаць пакупнікам.

Цікава, што і самі супрацоўнікі крамы не ведаюць, хто прынёс гэтыя ўлёткі, але, тым не менш, не прыбіраюць іх.

- Сёння раніцай прыйшоў нейкі малады хлопец, расклаў улёткі і сышоў, - распавялі прадаўцы крамы “Кольцо”. – Напэўна, нехта яму дазволіў гэта зрабіць.

Па ўсім відаць, гэта не адзіны выпадак у Бабруйску, калі праўладныя кандыдаты карыстаюцца забароненымі для распаўсюду агітацыйных матэрыялаў месцамі. Малады кандыдат ад БХД Яўген Васьковіч паведаміў, што бачыў у дзяржаўнай краме “Ветэран” на тых жа сталах для пакупнікоў улёткі аднаго з сваіх апанентаў.  

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international