Працяг суду над Віктарам Рамнёвым

2010 2010-04-20T13:48:42+0300 1970-01-01T03:00:00+0300 be http://spring96.org/files/images/sources/ramniou.jpg
Віктар Рамнёў (фота Радыё Свабоды)

Віктар Рамнёў (фота Радыё Свабоды)

Судзьдзя Першамайскага райсуду Віцебску Валянціна Кісьмярошкіна мае працягваць разгляд справы Віктара Рамнёва, заснавальніка незалежнага выданьня “Витебский курьер”, якога вінавацяць у незаконным распаўсюдзе сваёй газэты.

Распаўсюдам складальнікі міліцэйскага пратаколу лічаць перавозку газэт у машыне. Інцыдэнт, які суд разьбірае з 8 красавіка, здарыўся на пачатку месяца. Машыну спадара Рамнёва спынілі каля адной з гарадзкіх крам, загадалі ехаць у пастарунак і падчас дагляду знайшлі і сканфіскавалі 53 асобнікі “Витебского курьера”.

Міліцыянты цьвердзяць, што на распаўсюд “Витебский курьер” патрэбны асобны дазвол, бо выданьне зарэгістравана ў Расеі і друкуецца ў Смаленску. Заснавальнік Віктар Рамнёў і праваабаронца Павал Левінаў спрабуюць гэта аспрэчыць.

Да сёньняшняга дня іхныя спробы ня мелі посьпеху. 25 сакавіка міліцыянты Лёзьненскага РАУС затрымалі машыну спадара Рамнёва недалёка ад расейска-беларускай мяжы і сканфіскавалі ўвесь наклад газэты — 10 тысяч асобнікаў. А ўвечары таго самага дня заснавальніка газэты пакаралі штрафам у памеры 1,2 мільёна рублёў.

8 красавіка наклад “Витебского курьера” затрымалі ў Горацкім раёне, і суд з гэтае нагоды яшчэ наперадзе — у Горацкім райаддзеле міліцыі Віктару Рамнёву сказалі, каб ён чакаў позвы.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international