Камісіі вераць, што ў гендырэктара “Беларуськалія” акрамя аўтамабіля нічога няма

2010 2010-04-19T07:15:49+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Падобна, Мінскую абласную выбарчую камісію не цікавяць дзіўныя парадоксы ў дэкларацыях аб прыбытках праўладных кандыдатаў, якія кідаюцца ў вочы звычайным выбаршчыкам.

У газету абласной вертыкалі “Мінская праўда” патэлефанаваў жыхар горада Салігорска і звярнуў увагу журналістаў на дзіўны, па ягоным меркаванні, факт. У аднаго з кандыдатаў па Салігорскай паўночнай выбарчай акрузе №55 - генеральнага дырэктара рэспубліканскага ўнітарнага прадпрыемства “Беларуськалій” да 55 гадоў ва ўласнасці ёсць толькі легкавы аўтамабіль, і гэта прытым, што прыбытак генеральнага дырэктара за 2009 год склаў больш 156 мільёнаў рублёў.

У той жа час яго канкурэнт у гэтай акрузе, дзяжурны кантрольна-прапускнога пункта, валодае не толькі легкавым аўтамабілем, але кватэрай, жылым домам і гаражом, хоць яго прыбытак у 2009 годзе ў дзесяць разоў меншы.

Старшыня абласной выбарчай камісіі Аляксей Васільеў, каментуючы гэтую калізію ў інтэрв'ю абласной газеце, абмежаваўся канстатаваннем таго, што прэтэнзій з Салігорска ў абласную камісію не паступала, а раённыя тэрытарыяльныя камісіі абавязкова правяраюць дакладнасць звестак аб прыбытках.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international