Суд Савецкага раёну Гомеля апраўдаў Яўгена Якавенку

2010 2010-04-08T14:52:00+0300 1970-01-01T03:00:00+0300 be http://spring96.org/files/images/sources/jakavienka.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Грамадскі актывіст з Гомеля Яўген Якавенка

Грамадскі актывіст з Гомеля Яўген Якавенка

8 красавіка 2010 Суд Савецкага раёна г. Гомеля апраўдаў 25-гадовага Яўгена Якавенку, абвінавачанага ў няяўцы на мерапрыемствы вайсковага прызыву. Пра гэта паведаміла Кампанія за альтэрнатыўную службу ў Беларусі.

Нагадаем, 11 лютага 2010 г. Яўген Якавенка быў прызнаны вінаватым па арт. 25.1.3 КаАП РБ у няяўцы на мерапрыемствы прызыву на вайсковую службу і прысуджаны да выплаты штрафу ў памеры пяці базавых велічынь. Яўген Якавенка вінаватым сябе не прызнаў, запатрабаваў зьняць з яго абвінавачваньні ў няяўцы на мерапрыемствы прызыву і забясьпечыць права на альтэрнатыўную службу.

12 сакавіка Гомельскі абласны суд адмяніў папярэдняе рашэньне і накіраваў справу на новы разгляд.

Тым ня менш, крымінальная справа па арт. 435.1 («ўхіленьне ад мерапрыемстваў па прызыву на вайсковую службу»), узбуджаная супраць Якавенкі, ужо перададзеная ў суд.

«Безумоўна, тое, што мяне апраўдалі па адміністратцыйнай справе - гэта плюс. Але ці паўплывае гэта на разгляд ужо крымінальнай справы ў судзе - пакуль казаць рана. Хоць, вядома ж, спадзяюся на апраўданьне і ў гэтым выпадку. Але як павядзе сябе суд - невядома », - пракаментаваў рашэньне суду сам прызыўнік.

Сёньняшняе рашэньне суду Савецкага раёну Гомеля - першае апраўдальнае ў чарадзе справаў супраць маладых людзей, якія патрабавалі альтэрнатыўную службу. Заўтра ў Судзе Менскага раёну працягнецца паўторны разгляд справы Івана Міхайлава. Яшчэ адзін гамяльчанін, Дзьмітрый Смык, таксама чакае новага разгляду сваёй справы.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international