Баранавічы: М. Чарнавус просіць, каб пракуратура разабралася з падробкамі

2010 2010-04-16T17:16:30+0300 1970-01-01T03:00:00+0300 be http://spring96.org/files/images/sources/czarnavus-mikalai-1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

16 красавіка не зарэгістраваны кандыдатам у дэпутаты Баранавіцкага гарадскога і Брэсцкага абласнога Саветаў Мікалай Чарнавус накіраваў заявы пракурору горада і ў ЦВК.

Раней паведамлялася, што Мікалай Чарнавус быў не зарэгістраваны кандыдатам у дэпутаты з-за таго, што камісіі выявілі шмат “несапраўдных подпісаў” ў яго падпісных лістах. Не дабіўшыся адмены рашэння аб адмове ў рэгістрацыі ў Брэсцкай абласной тэрытарыяльнай выбарчай камісіі і Брэсцкім абласным судзе, Мікалай Чарнавус звярнуўся ў пракуратуру і ЦВК. У сваіх заявах ён цвёрда заяўляе пра несумленнасць працы Баранавіцкай гарадской і акруговай камісій па выбарах у абласны Савет.  

М. Чарнавус звяртае ўвагу на тое, што падчас збору подпісаў у Баранавіцкі гарадскі і ў Брэсцкі абласны Саветы выбаршчыкі ставілі ставілі продпісы ў двух падпісных лістах. Але пры праверцы подпісаў у гарсавет – камісія прадставіла нібыта заявы выбаршчыкаў, што не яны самі дату ставілі, а ў аблсавет – заявы выбаршчыкаў аб адкліканні сваіх подпісаў! Метады розныя, а вынік адзін – нерэгістрацыя кандыдатам у дэпутаты Баранавіцкага гарадскога Савета і Брэсцкага абласнога Савета!

Мікалай Чарнавус звярнуў увагу пракуратуры, што сябры Баранавічкай гарадской камісіі хадзілі з праверкамі з ужо загаддзя падрыхтаванымі бланкамі заяваў, што наогул уяўляе сабой поўны “нонсэнс”. І сябры камісіі, як указана ў гэтых прадстаўленых заявах, падманным (гэта значыць злачынным) чынам, прасілі падпісацца, што гэта яны самі ставілі подпісы ў падпісных лістах. Вось за гэта выбаршчыкі і распісаліся! Якім чынам атрымаўся іншы тэкст – вось задача для расследавання пракуратуры. Ён лічыць такія дзеянні правяраючых злачынствам, загаддзя падрыхтаваным і спланаваным, каб не рэгістраваць менавіта кандыдатаў ад дэмакратычных партый, што было імі і зроблена. Мікалай Чарнавус у сваёй заяве просіць пракуратуру: выявіць, хто з камісіі рабіў такія падробкі і пакараць іх у адпаведнасці з дзеючым заканадаўствам.

Да Цэнтральнай камісіі Мікалай Чарнавус звярнуўся з просьбай  праверыць працу Баранавічкай гарадской камісіі на адпаведнасць Выбарчаму кодэксу, навесці парадак, пакараць вінаватых і забяспечыць правядзенне гэтых і наступных выбараў згодна заканадаўству. Яшчэ ён просіць прызнаць працу гэтай камісіі не адпавядаючай заканадаўству, непрафесійнай, парушаючай Канстытуцыю.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international