Магілёў: Майстар ЖЭУ загадала паздзіраць усе плакаты апазіцыйнага кандыдата

2010 2010-04-16T16:10:27+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Кандыдат ў дэпутаты у гарсавет па Дняпроўскай выбарчай акрузе №26 Антон Цыдзік, які з’яўляецца сябрам ГА “БНФ Адраджэнне”, паведаміў, што паздзіралі ўсе яго перадвыбарчыя плакаты.

- Я вывесіў плакаты каля дошак аб’яў, бо самі дошкі маленькія для маіх агітацыйных матэрыялаў, - гаворыць Антон Цыдзік, - але майстар ЖЭУ-4 Тамара Габрусева загадала іх паздзіраць і папярэдзіла, каб я больш не вывешваў свае агітацыйныя матэрыялы на замацаваных за ёй дамах.

З гэтай нагоды кандыдат пісаў скаргу ў ЖЭУ-4, размаўляў з сакратаркай Магілёўскай гарадской выбарчай камісіі Любоўю Макаранка.

- Я запытаў у спадарыні Макаранка, навошта выдаткоўваюцца 140 тысяч рублёў на агітацыю, калі яе немагчыма праводзіць, - працягвае Антон Цыдзік. - Яна выслухала мяне, паразмаўляла з кіраўніцтвам раёна і дазволіла мне зноўку вывесіць свае агітацыйныя матэрыялы каля дошак аб’яў, што я і зрабіў.

Але на гэтым праблемы з размяшчэннем агітматэрыялаў у Антона Цыдзіка не скончыліся.

- Дагэтуль не вывешаны мае плакаты ў будаўнічым трэсце №13. Кіраўніцтва трэста ўбачыла у маіх тэкстах экстрымізм і заклік да звяржэння ўлады, - дадае кандыдат, - хаця я ім растлумачыў, што нічога антыдзяржаўнага ў іх няма. Гэта не выбары, а гора нейкае.

“Праваабаронцы за свабодныя выбары”

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international