Барысаў: Інфармацыя не поўная і не ва ўсім дакладная

2010 2010-04-15T17:45:43+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

На сайце Барысаўскага райвыканкама ёсць цэлы раздзел, прысвечаны выбарам у мясцовыя Саветы. Інфармацыі шмат, яна зусім не поўная і не заўсёды дакладная.
 
Так, нягледзячы на тое, што яшчэ 1 красавіка 2010 г. Мінская абласная тэрытарыяльная камісія зарэгістравала кандыдатам у дэпутаты Барысаўскага райсавета па выбарчай акрузе № 7 Тамару Каважэнка - насуперак неабгрунтаванаму рашэнню аб адмове ў рэгістрацыі Барысаўскай камісіяй - у спісе кандыдатаў у дэпутаты раённага Савета на сайце па акрузе № 7 па-ранейшаму значыцца толькі палкоўнік Валерый Гнілазуб, начальнік 72-га навучальнага Цэнтра падрыхтоўкі прапаршчыкаў і малодшых спецыялістаў.
 
Нягледзячы на тое, што пасля рашэння № 2 Барысаўскай выбарчай камісіі "Аб адукацыі выбарчых акругаў па выбарах дэпутатаў у Барысаўскі раённы Савет дэпутатаў 26 склікання» было прынята рашэнне № 3 аб змяненні межаў двух выбарчых акругаў (№ № 9 і 10) і, адпаведна, колькасці выбаршчыкаў у гэтых акругах, на сайце райвыканкама межы акругаў пададзеныя ў ранейшай, нязменнай, рэдакцыі.
 
Няма на сайце Барысаўскага райвыканкама звестак і аб даходах кандыдатаў у дэпутаты. І калі адсутнасць гэтых звестак у раённай выканкамаўскай газеце фармальна можа быць выклікана дэфіцытам газетнай плошчы, то для інтэрнэт-выдання падобны аргумент не можа быць прыняты пад увагу.

"Праваабаронцы за свабодныя выбары"

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international