Газета "Наша Толочинщина" стварыла галерэю партрэтаў кандыдатаў ад улады

2010 2010-04-14T16:09:49+0300 1970-01-01T03:00:00+0300 be http://spring96.org/files/images/sources/gazeta.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Зусім нядаўна на сайце orsha.belarda.org нехта Алесь Мажуга апублікаваў свае назіранні пра асаблівасці выбарчай кампаніі на Талачыншчыне, у якіх адзначыў:
"Спіс зарэгістраваных кандыдатаў у дэпутаты Талачынскага раённага Савета дзіўным чынам супадае з героямі нарысаў, інтэрв'ю, партрэтаў-замалёвак раённай газеты "Наша Толочинщина ".
Далей аўтар пералічыў спіс праўладных кандыдатаў, якія раскручваюцца мясцовай газетай:
«3 лютага - выйшла ў свет публікацыя пра старшыню СВК "Краснаселле" Сяргея Марчанку, цяперашняга кандыдата ў дэпутаты адразу двух Саветаў - Коханаўскага пасялковага і Талачынскага раённага.
10 лютага - інтэрвію журналісту газеты дае начальнік электрычных сетак Талачынскага раёна.  
Люты 17 - на паласе партрэт другога шматстаночніка, кандыдата ў дэпутаты Віцебскага абласнога і раённага Саветаў, ён жа член Талачынскага райвыканкама, ён жа намеснік кіраўніка раённай вертыкалі, ён жа член Прэзідыума Віцебскага абласнога Савета, Георгія Мурашка.
20 лютага - са старонак газеты на чытача глядзіць партрэт намесніка дырэктара  Коханаўскай сярэдняй школы Ірыны Талкачовай.
24 Люты - зноў партрэт-замалёўка пра начальніка філіяла ДЭУ-8 Сяргея Яшчука.
6 сакавіка - журналісты дзеясловам запальваюць сэрцы чытачоў на карысць майстра Талачынскага ўпраўлення газавай гаспадаркі Анатоля Каплуцэвіча".
Аўтар інтэрнэт-нататкі паспяшаўся падвесці вынік: "Завяршае пералік ненавязлівых публікацый на карысць агітацыі за кандыдатаў ад улады партрэт намесніка дырэктара па ідэалагічнай працы УПП "Коханава-ЖКГ" Сямёна Шабрына. Зразумела, ніякага парушэння Выбарчага кодэкса тут няма. Так, выпадковае супадзенне".
Як аказалася, рэестр кандыдатаў у дэпутаты, за якіх са старонак газеты "Наша Толочинщина" ідзе ненавязлівая агітацыя, працягвае папаўняцца. Напярэдадні Радаўніцы ў нумары раёнкі апублікаваны артыкул з фотаздымкам намесніка старшыні СВК "Абольцы" Аляксандра Мацкевіча, які балатуецца кандыдатам у Талачынскі райсавет.
"Праваабаронцы за свабодныя выбары"

 

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international