Гомельскі абласны суд не ведае выбарчага закону

2010 2010-04-08T10:25:39+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Гомельскі абласны суд адмовіў сябру Партыі БНФ Уладзіміру Целяпуну ў разглядзе скаргі на адмову ў рэгістрацыі кандыдатам у дэпутаты Мазырскага райсавета на падставе п.1 арт. 246 ГПК Рэспублікі Беларусь, сцвярджаючы, што гэта справа яму непадсудна.

Суддзя ў сваёй адмове спасылаецца на арт.68 Выбарчага кодэкса, указваючы, што ў абласны суд могуць быць абскарджаны рашэнні абласных камісіі па выніках разгляду імі скаргаў на рашэнні раённых тэратарыяльных выбарчых камісій, акруговых камісій на адмову ў рэгістрацыіі кандыдатаў у абласны Савет дэпутатаў.

Аднак Уладзімір Целяпун і абскарджваў рашэнне Гомельскай абласной камісіі, якая падтрымала рашэнне Мазырскай раённай аб адмове ў рэгістрацыі яго кандыдатам у дэпутаты раённага Савета. Скарга ў абласны суд была абумоўлена п. 2 рашэння Гомельскай абласной выбарчай камісіі.

Гэтая сітуацыя сведчыць аб элементарнай прававой непісьменнасці суддзі Гомельскага абласнога суда, які прымаў рашэнне аб непадсуднасці справы.

“Праваабаронцы за свабодныя выбары”

Апошнія навіны

Партнёрства

Сяброўства