"Маладому фронту" адмоўлена ў рэгістрацыі

2010 2010-04-07T15:07:50+0300 1970-01-01T03:00:00+0300 be http://spring96.org/files/images/sources/mf2.jpg

Чыноўнікі міністэрства спаслаліся на неадпаведнасьць дакумэнтаў юрыдычнаму адрасу. Другой прычынай адмовы ў рэгістрацыі стала тое, што больш за палову заснавальнікаў арганізацыі прыцягваліся ў розныя часы да адміністрацыйнай адказнасьці.
У прыватнасьці, у адказе пазначана: "Згодна са зьвесткамі, якія маюцца ў Міністэрстве юстыцыі Рэспублікі Беларусь, 43 заснавальнікі МГА "Малады Фронт" (больш за палову ад іх агульнай колькасьці), у тым ліку амаль усе члены кіруючага органа дадзенага грамадзкага аб'яднаньня, прыцягваліся да адміністрацыйнай адказнасьці, многія зь іх неаднаразова, у тым ліку за правапарушэньні, зьвязаныя з парушэньнем грамадзкага парадку, правоў і свабодаў другіх асобаў (старшыня МГА "Малады Фронт" Дашкевіч Дз.В. — 16 разоў, Шыла І.У. — 17 разоў, Самойлава К.С. — 13 разоў, Карноў Дз.Э. — 11 разоў і г.д.).
Вышэйазначанае ня сьведчыць пра намер заснавальнікаў МГА "Малады Фронт" ажыцьцяўляць дзейнасьць у межах заканадаўства Рэспублікі Беларусь, не парушаючы грамадзкі парадак, правы і законныя інтарэсы другіх грамадзян".
Некалькі дзясяткаў маладафронтаўцаў два гады таму дапытвалі ў крымінальнай справе за ўдзел у незарэгістраванай арганізацыі.
10 чалавек былі прыцягнутыя да крымінальнай адказнасьці паводле артыкула 193 і пакараныя штрафамі, а лідэра "Маладога фронту" Зьмітра Дашкевіча пакаралі зьняволеньнем за ўдзел у незарэгістраванай арганізацыі.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international