Магілёў: На безальтарнатыўныя акругі прадстаўнікі дэмакратычных сіл не патрапілі

2010 2010-04-06T09:59:26+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У Магілёве на трох выбарчых акругах выбары ў гарадскі Савет дэпутатаў 26 склікання пройдуць на безальтарнатыўнай аснове. На астатніх выбарчых акругах ад двух да чатырох прэтэндэнтаў на дэпутацкі мандат. Спісы кандыдатаў ў дэпутаты надрукаў “Веснік Магілёва” і размясціў сайт Магілёўскага гарвыканкама.

Сярод прэтэндэнтаў, якія вырашылі пазначыць сваю партыйнасць, ёсць тры прадстаўнікі ад Беларускай сацыял-дэмакратычнай партыі (Грамада), два ад Партыі БНФ, два ад Беларускай партыі левых “Справядлівы свет”, адзін ад Камуністычнай партыі Беларусі і адзін ад Аб’яднанай грамадзянскай партыі.

На безальтарнатыўныя акругі прадстаўнікі дэмакратычных сіл не патрапілі. Усяго ж на 40 дэпутацкіх месцаў прэтэндуе 108 кандыдатаў у дэпутаты. Сярэдні конкурсны паказчык складае 2,7 чалавек на месца.

Каардынатар па выбарчай кампаніі Магілёўскай абласной кааліцыі дэмакратычных сілаў Юрый Новікаў сцвяржае, што кожны пяты з вылучэнцаў у дэпутаты -- дэмакратычны кандыдат.

Адметным з’яўляецца той момант, што па афіцыйных звестках немагчыма ўстанавіць партыйнасць 26 чалавек. 24 з іх з’яўляюцца кіраўнікамі розных устаноў і арганізацый (генеральныя дырэктары, галоўныя лекары, намеснікі дырэктароў, загадчыкі аддзелаў і г.д.) і толькі два не начальнікі (вадзіцель і мэнэджар). У астатніх 82 чалавек пазначана партыйнасць, альбо яе адсутнасць. 

 “Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international