Андрусь Крэчка аштрафаваны
Сёньня ў судзе Ленінскага раёну ((Дом Правасудзьдзя, вул. Сямашкі 33) адбываецца суд над старшынём Моладзі БНФ Андрусём Крэчкам. Яго абвінавачваюць паводле часткі 3 арт. 23.34 КаАП за ўдзел у акцыі перад будынкам Вярхоўнага суду падчас разгляду справы Мікалая Аўтуховіча 16 сакавіка.
Нагадаем, што Андруся Крэчку выклікалі 2 красавіка ў Савецкі РАУС з мэтай уручэньня позвы ў суд. У РАУСе яму паведамілі, што суд мае адбыцца сёньня ж, 2 красавіка, і завезьлі ў суд Ленінскага раёну. Андрусь Крэчка падаў хадайніцтва аб пераносе суду на панядзелак для таго, каб дамовіцца з адвакатам, які будзе абараняць яго інтарэсы.
Хадайніцтва было задаволенае. Сёньня адбыўся суд, на якім за ўдзел у несанкцыянаваным мерапрыемстве Крэчку аштрафавалі на 20 базавых велічынь.
