Камітэт ААН абураны сьмяротнымі пакараньнямі ў Беларусі

2010 2010-04-01T08:35:39+0300 1970-01-01T03:00:00+0300 be

Камітэт ААН у пытаньнях правоў чалавека выказаў абурэньне ў сувязі з пакараньнем сьмерцю двух людзей, чые скаргі знаходзіліся на разглядзе камітэту.

У заяве, прынятай камітэтам на сэсіі ў Нью-Ёрку, адзначаецца, што два чалавекі, асуджаныя на сьмяротную кару, былі пазбаўленыя жыцьця, нягледзячы на зварот камітэту да беларускіх уладаў з просьбаю не выконваць прысуду.
Камітэт ААН у пытаньнях правоў чалавека падкрэсьлівае, што, выканаўшы сьмяротныя прысуды ў дачыненьні да асобаў, чые скаргі знаходзіліся на разглядзе ў камітэце, Беларусь “сур’ёзна парушыла” падпісаныя ў рамках ААН пагадненьні.
Учора нядаўняе выкананьне сьмяротнага прысуду ў дачыненьні да двух грамадзянаў Беларусі асудзіла вярхоўная прадстаўніца Эўразьвязу Кэтрын Эштан. Яна заклікала беларускія ўлады апублікаваць поўную інфармацыю пра выкананьне сьмяротных прысудаў, а таксама ўвесьці мараторый на найвышэйшую меру пакараньня.
Як вядома, у сакавіку ў Беларусі былі расстраляныя асуджаныя летась да найвышэйшай меры пакараньня 25-гадовы Андрэй Жук і 30-гадовы Васіль Юзяпчук.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international