У Камітэце па правах чалавека зарэгістравана 71-ая скарга з Беларусі

2010 2010-03-29T12:57:00+0300 1970-01-01T03:00:00+0300 be http://spring96.org/files/images/sources/united_nations1.jpg

У Камітэце ААН па правах чалавека зарэгістравана скарга актывіста партыі БНФ з Берасця Сяргея Лазенка. У сваёй скарзе актывіст просіць прызнаць парушэнне яго правоў пад час затрымання і прыцягнення да адказнасці за ўдзел у сустрэчы з Паўлам Севярынцам.

Юрыст-праваабаронца Раман Кісляк лічыць абсурдным прыцягненне да адказнасці Лазенка:

- Тое, што Сяргей Лазенка, актывіст партыі БНФ, быў прыцягнуты да адказнасці за удзел у сходзе партыі БНФ выглядае абсурдна. Не ўяўляю, як дзяржава будзе абасноўваць такое неправамернае абмежаванне правоў Сяргея Лазенка.

Нагадаю, што 18 жніўня 2007 года ў горадзе Берасці была затрымана група грамадзян колькасцю 28 чалавек, якія прыйшлі на сустрэчу з Паўлам Севярынцам.

Павел Севярынец на сходзе гарадской арганізацыі партыі БНФ прэзентаваў сваю кнігу “Лісты з лесу”.

Пасля затрымання і складання пратаколаў Сяргей Лазенка і іншыя грамадзяне былі прыцягнуты да адміністратыўнай адказнасці за несанкцыянаванае мерапрыемства.

Суд пастанавіў пакараць Лазенка штрафам у памеры дзвюх базавых велічынь, што на той час складала 62 тысячы рублёў. Актывіст не пагадзіўся зтакім пакараннем і абскардзіў яго ў нацыянальнай сістэме, звярнуўся ў судовыя органы.

Пасля праходжання ўсіх магчымых інстанцый Лазенка звярнуўся ў Камітэт па правах чалавека.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international