Светлагорск: Парковачная пляцоўка як месца для пікету

2010 2010-03-30T10:48:39+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Светлагорскі райвыканкам прапануе кандыдатам у дэпутаты праводзіць агітацыйныя мерапрыемствы на... парковачнай пляцоўцы.

Калі кандыдаты пажадаюць правесці агітацыйныя мерапрыемствы па-за памяшканнямі – сходы, мітынгі, пікеты, – то могуць ісці на парковачную пляцоўку ля спартыўнага комплекса Цэлюлозна-кардоннага камбіната. Акрамя спарткомплексу, іншых аб’ектаў тут няма, вакол – лесапаркавая зона. Чым не месца для пікетаў?

Гэтым жа рашэннем (№ 397 ад 10 сакавіка) райвыканкам вызначыў у Светлагорску яшчэ 2 агітацыйныя месцы: пляцоўкі ў парку і ля набярэжнай. Як паведаміла адна з кандыдатаў у дэпутаты, парк у Светлагорску – маланаведваемае месца на ўскраіне. Што тычыцца набярэжнай – яна таксама на ўскраіне, але калі дачакацца цёплага надвор’я, то людзі там бываюць.

Акрамя Светлагорска, раённая ўлада вызначыла толькі 2 месцы для агітмерапрыемстваў: у пасёлках Парычы і Сасновы Бор. Адносна сельскай мясцовасці райвыканкам загадаў прыняць аналагічныя рашэнні сельскім і пасялковым адміністрацыям.

Вызначэнне месцаў для правядзення масавых мерапрыемстваў па-за памяшканнямі прадугледжана папраўкамі ў Выбарчы кодэкс, якія былі прынятыя напярэдадні цяперашніх выбараў у мясцовыя Саветы.         

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international