Кіраўніцтва РУП “Белпошта” 2 снежня прыняло рашэньне выключыць з падпіснога каталогу на 2006 г. газету “Товарищ”, заснаваную ЦК Партыі Камуністаў Беларускай

06.12.2005.

Пра гэта рэдакцыя даведалася з ліста генеральнага дырэктара “Белпошты” Аляксандра Чарняк. У адрозненне ад астатніх газет, якіх няма ў падпісным каталогу на наступны год, газета “Товарищ” у ім спачатку прысутнічала, а цяпер будзе выкрэсленая, паведаміла прэс-служба БАЖ.

У якасці падставы для выключэння газеты з каталогу “Белпошта” называе нявыхад выдання ў студзені-сакавіку 2005 г. Рэдакцыя, са свайго боку, нагадвае, што затрымка выхаду адбылася з-за скасавання Беларускім домам друку дамовы з газетай і адмовы іншых беларускіх друкарань выпускаць “Товарищ”. Выданне змагло аднавіць выхад толькі ў красавіку 2005 г., дамовіўшыся са Смаленскай друкарняй. Рэдакцыя звяртае ўвагу на тое, што пасля аднаўлення выхаду газеты “Белпошта” ні разу не ўздымала пытання пра запазычанасць перад падпісчыкамі: газета была без праблем уключаная ў падпісны каталог на другое праўгоддзе 2005 г.

Заснавальнік выдання (ЦК ПКБ) “заяўляе пра палітычны характар дадзенага рашэння, якое сведчыць пра больш жорсткі ціск на беларускія недзяржаўныя сродкі масавай інфармацыі напярэдадні прэзідэнцкіх выбараў 2006 г.”, - гаворыцца ў распаўсюджаным рэдакцыяй прэс-рэлізе.

Дадаць камэнтар

Камэнтары