У лідэра «Моладзі БНФ» канфіскавалі бел-чырвона-белую сімволіку

2010 2010-03-25T12:50:07+0200 1970-01-01T03:00:00+0300 be http://spring96.org/files/images/sources/sciah.jpg

Нацыянальныя сцягі ў Андруся Крэчкі былі канфіскаваныя супрацоўнікамі міліцыі без складання пратаколу.

Напярэдадні акцыі з нагоды Дня Волі ў кіраўніка «Моладзі БНФ» Андруся Крэчкі канфіскавана 20 бел-чырвона-белых сцягоў памерам два на адзін метр і 500 папяровых сцяжкоў з сімволікай гэтай структуры і гербам «Пагоня».

Крэчка паведаміў БелаПАН, што інцыдэнт адбыўся 24 сакавіка на сталічнай вуліцы Карбышава. Аўтамабіль, у якім знаёмы перадаваў яму сцягі, адкрылі два супрацоўнікі міліцыі — у форме і цывільным.

«Яны заявілі, што я прадаю свайму суразмоўцу мабільны тэлефон, хаця насамрэч гэта была ўсяго толькі зачэпка. Сцягі канфіскавалі без складання пратаколу. Мне прапанавалі раніцай з'явіцца ў Цэнтральны РУУС», — сказаў актывіст.

Прыкладна ў гэты ж час у кватэру, дзе пражывае Крэчка, прыйшлі супрацоўнікі спецслужбаў з позвай у суд на 9 гадзінаў раніцы 25 сакавіка. Кіраўнік «Моладзі БНФ» звязвае гэта з акцыяй салідарнасці, якая прайшла 16 сакавіка на Кастрычніцкай плошчы Менска.

«Калі казаць у цэлым, дык гэта спроба сапсаваць свята — Дзень Волі», — сказаў Крэчка.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international