Віцебск: Рашэнне прынята, месцы вызначаныя

2010 2010-03-25T07:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Адміністрацыі Кастрычніцкага, Чыгуначнага і Першамайскага раёнаў г. Віцебску нарэшце абвясцілі свае рашэнні аб вызначэнні месцаў для правядзення масавых мерапрыемстваў кандыдатамі ў дэпутаты і іх даверанымі асобамі з выбаршчыкамі, для размяшчэння агітацыйных друкаваных матэрыялаў кандыдатаў у дэпутаты мясцовых Саветаў дэпутатаў.

Прыняццю рашэнняў папярэднічала ўзгадненне яго з акруговымі выбарчымі камісіямі па выбарах дэпутатаў Віцебскага абласнога Савета дэпутатаў і Віцебскай гарадской тэрытарыяльнай выбарчай камісіяй па выбарах дэпутатаў Віцебскага гарадскога Савета дэпутатаў.

Рашэнні нацэленыя “на свабоднае і ўсебаковае абмеркаванне перадвыбарных праграм кандыдатаў у дэпутаты, іх палітычных, дзелавых і асабістых якасцяў, ажыццяўленне перадвыбарнай агітацыі, інфармавання аб правядзенні сустрэч з выбаршчыкамі і рэалізацыі роўных правоў кандыдатаў”.

Усе тры рашэнні па сваім змесце і бюракратычнай стылістыкі мала чым адрозніваюцца адзін ад аднаго.

Адміністрацыя Першамайскага раёна вырашыла, што сустрэчы з выбаршчыкамі будуць праходзіць: у актавай зале ўстановы адукацыі "Дзяржаўны цэнтр творчасці дзяцей і моладзі Першамайскага раёна г.Віцебску", актавай зале інтэрната ўстановы адукацыі "Віцебскі ліцэй №5 прыборабудавання", вялікай зале культурна-дзелавога цэнтра "Першамайскі".

Месцы для правядзення ў заяўляльным парадку масавых мерапрыемстваў кандыдатамі ў дэпутаты, іх даверанымі асобамі ў мэтах ажыццяўлення перадвыбарчай агітацыі: адкрытая сцэнічная пляцоўка ўстановы культуры "Цэнтр эстэтычнага выхавання "Маладзік" - школа мастацтваў №3", парк імя 30-годдзя ВЛКСМ, пляцоўка перад культурна-дзелавым цэнтрам "Першамайскі".

Вызначаныя месцы на тэрыторыі Першамайскага раёна, якія найбольш наведваюцца грамадзянамі, для размяшчэння агітацыйных друкаваных матэрыялаў. Гэта 40 крамаў, 15 аддзяленняў Віцебскага абласнога ўпраўлення ААТ  "АСБ "Беларусбанк", 3 паліклінікі.

Кіраўнікі прадпрыемстваў, арганізацый і ўстаноў абавязаныя ў памяшканнях, дзе размешчаныя ўчасткі для галасавання, устанавіць стэнды для размяшчэння агітацыйных друкаваных матэрыялаў памерам 120 см х 200 см і вызначыць пэўныя месцы для размяшчэння агітацыйных друкаваных матэрыялаў Акрамя таго, яны павінны прызначыць асоб, адказных за размяшчэнне і абнаўленне агітацыйных друкаваных матэрыялаў, а інфармацыю аб адказным (Ф.І.О., кантактны тэлефон) размясціць у даступным для наведвальнікаў месцы.

Выканкам таксама вырашыў забараніць размяшчэнне агітацыйных друкаваных матэрыялаў аб выбарах дэпутатаў у мясцовыя Саветы ў месцах, не вызначаных  дадзеным рашэннем.

Аддзел унутраных спраў Першамайскага раёна г. Віцебску абавязаны забяспечыць грамадскі парадак і бяспеку грамадзян пры правядзенні масавых мерапрыемстваў. Кантраляваць агітацыйную кампанію ў раёне будуць намеснік раздзела адміністрацыі і начальнік аддзела ідэалагічнай працы Адміністрацыі Першамайскага раёна.

У лік месцаў, дзе можна праводзіць агітацыю, не патрапілі такія месцы, як плошча Леніна, плошча Перамогі і Свабоды, дзе традыцыйна апазіцыя праводзіць свае палітычныя акцыі. Не з'яўляюцца, па меркаванні мясцовых чыноўнікаў, найбольш наведвальнымі месцамі ў горадзе таксама рынкі і гандлёвыя цэнтры.

"Праваабаронцы за свабодныя выбары"

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international