Бабруйск: Грамадскіх актывістаў “няправільна зразумелі”

2010 2010-03-22T16:53:26+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Гісторыя з бабруйчанамі, якія вылучаліся ва ўчастковыя камісіі ад ГА БНФ “Адраджэнне” скончылася даволі нечакана. Нагадаем, што Наталлю Карпаву (працуе ў бібліятэчнай сістэме), Яўена Герасімовіча (слесар ААТ “Белшына”) і Мікіту Уварава (навучэнец школы алімпійскага рэзерву) папярэдзілі на працы і вучобе, што яны мусяць забраць заявы, у адваротным выпадку пагражалі звальненнем і праблемамі.

 

- Мікіта Увараў сын бабруйскай сяброўкі БХД, Наталля Карпава працуе ў маёй ініцыятыўнай групе. Таму калі я даведалася, што такія праблемы ўзніклі, я звярнулася да старшыні гарадской выбарчай камісіі Уладзімера Вяткіна, - распавядае бабруйскі лідэр БХД Таісія Кабанчук. – Але ён сказаў, што ён тут не пры чым. Тады я паабяцала яму, што калі ціск на людзей не скончыцца, збяру заявы і подпісы ўсіх, хто вылучаўся ў камісіі і павязу ў Менск, у прадстаўніцтва Еўразвязу. Каб усе ведалі, як у нас фармуюцца камісіі.

 

Праз нейкі час Таісія Кабанчук даведалася, што ўсіх трох вылучэнцаў зноў выклікалі “на дыван” да начальства. Але на гэты раз каб выбачыцца, і патлумачыць, што яны “няправільна зразумелі” памкненні падначаленых, не зразумелі што “яны вылучаюцца менавіта ва ўчастковыя камісі”. Такім чынам, тром бабруйскім грамадскім актывістам ўдалося патрапіць ва ўчастковыя камісіі.

“Праваабаронцы за свабодныя выбары” 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international