У Оршы вызначаюцца “адказныя асобы” за размяшчэнне агітматэрыялаў

2010 2010-03-22T16:32:43+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Гарвыканкам Оршы сваім рашэннем № 353 вызначыў месцы для размяшчэння агітацыйных друкаваных матэрыялаў па горадзе.

Як вынікае з апублікаванага тэксту дадзенай пастановы, агітацыйныя друкаваныя матэрыялы па выбарах дазволена размяшчаць на 13 рэкламных тумбах, васьмі інфармацыйных стэндах, размешчаных у горадзе, а таксама на інфармацыйных стэндах усіх 61 выбарчых участкаў, а таксама на інфармацыйных шчытах, якіх у Оршы налічваецца 12 штук.

Гарвыканкам з усёй сур'ёзнасцю падышоў да дадзенага пытання. Па кожнай тумбе, стэнду або інфармацыйнаму шчыту прызначаная асобная арганізацыя, якая адказная за змест друкаваных матэрыялаў, якія там размяшчаюцца. Аднак і гэтага мясцовым чыноўнікам здалося недастатковым. Як вынікае з тэксту вышэйзгаданага рашэння, кіраўнікам арганізацый, на тэрыторыі якіх будуць размешчаны агітацыйныя друкаваныя матэрыялы, неабходна "вызначыць адказных асоб за іх размяшчэнне з вывешванннем аб гэтым інфармацыі ў месцы размяшчэння гэтых матэрыялаў".

Такое рашэнне гарвыканкама прынята 15 сакавіка. Па стане на 22 сакавіка (праз тыдзень) ні на адной дошцы об’яваў у Оршы, тумбе, альбо інфармацыйным шчыце прозвішча адказнай асобы знайсці не ўдалося.

"Праваабаронцы за свабодныя выбары"

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international