1 сьнежня адноўлена крымінальная справа ў дачыненьні да дэпутата Маларыцкага райсавету Уладзіміра Малея.

2005 2005-12-02T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Пра гата паведамляе Радый Свабода. Сябра БНФ, юрыст Праваабарончага цэнтру Вясна Уладзімер Малей зноў абвінавачваецца ў паклёпе на адрас кіраўніка мясцовай вэртыкалі.

Раніцай 1 сьнежня дэпутат Маларыцкага раённага савету, намесьнік старшыні Берасьцейскай абласной арганізацыі Партыі БНФ Уладзімер Малей атрымаў паведамленьне з управы ўнутранных справаў аблвыканкаму. З паведамленьня вынікае, што сьледчыя органы аднавілі крымінальную справу ў адносінах да апазыцыйнага дэпутата.

Спадара Малея абвінавачваюць у паклёпе на адрас старшыні Маларыцкага райвыканкаму Казіміра Лапіча. У заяве ў пракуратуру кіраўнік мясцовай вэртыкалі сьцьвярджаў, што Ўладзімер Малей у сваім дэпутацкім запыце, які пасьля быў надрукаваны ў інфармацыйным бюлетэні “Наша слова”, распаўсюдзіў пра яго паклёпніцкія зьвесткі. Дэпутацкі запыт тычыўся службовага жыльля для былога старшыні райвыканкаму, якое засталося ў прыватнай уласнасьці пасьля ягонай адстаўкі. Паводле словаў спадара Малея, цяперашняе маларыцкае кіраўніцтва не зрабіла ніякіх захадаў, каб гэтая маёмасьць была вернутая дзяржаве. Гаворыць Уладзімер Малей: “Гэтую праблему ня я ставіў, а мае выбаршчыкі, бо я зьяўляюся дэпутатам Маларыцкага раённага савету. Яны абураліся тым, чаму гэтыя людзі працуюць у іншым месцы, пабудавалі дамы, самі выехалі, а ў гэтых дамах жывуць іхныя дзеці. Гэта самі выбаршчыкі пытаньне ставілі”.

Крымінальную справу адносна дэпутата распачалі сёлета 2 лютага. Сьледзтва цягнулася амаль шэсьць месяцаў і было спыненае, аднак цяпер абласная пракуратура не пагадзілася з рашэньнем закрыць справу. Спадар Малей мяркуе, што аднаўленьне крымінальнага перасьледу супраць яго можа быць зьвязанае з прэзыдэнцкай выбарчай кампаніяй.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international