Пачалося паседжанне беларуска‑польскай камісіі па ўрэгуляванні канфлікту вакол Саюза палякаў

2010 2010-03-19T12:40:31+0200 1970-01-01T03:00:00+0300 be http://spring96.org/files/images/sources/dom_polski.jpg

У Міністэрстве замежных справаў Беларусі 19 сакавіка пачалося першае паседжанне беларуска‑польскай камісіі па ўрэгуляванні канфлікту вакол грамадскага аб’яднання «Саюз палякаў у Беларусі» (СПБ).

Як паведаміў прэс‑сакратар амбасады Польшчы ў Беларусі Павел Марчук, польскую дэлегацыю на перамовах узначальвае першы намеснік міністра замежных справаў Анджэй Крэмер, беларускую — упаўнаважаны па справах рэлігій і нацыянальнасцяў Леанід Гуляка.

Прадстаўнікі грамадскасці на паседжанне камісіі не запрошаныя.

Рашэнне аб стварэнні двухбаковай камісіі было прынятае 25 лютага на сустрэчы прэзідэнта Беларусі Аляксандра Лукашэнкі і міністра замежных справаў Польшчы Радаслава Сікорскага ў Кіеве. Папярэдне датай першага паседжання камісіі называлася 9 сакавіка, аднак потым яно было перанесенае — бакі ўзгаднялі фармат працы.

***

Раскол у СПБ адбыўся ў 2005 годзе. З таго часу ў краіне існуе два Саюзы палякаў — афіцыйны, зарэгістраваны Міністэрствам юстыцыі Беларусі, і неафіцыйны, які падтрымліваюць улады Польшчы. У пачатку 2010 году канфлікт паміж прадстаўнікамі СПБ абвастрыўся ў сувязі з сітуацыяй вакол Дома польскага ў Івянцы, на які прэтэндавалі як афіцыйная арганізацыя, так і нефармальнае яе крыло. 17 лютага суд Валожынскага раёну прыняў рашэнне на карысць зарэгістраванай структуры СПБ. 15 і 17 лютага беларускімі праваахоўнымі органамі за правядзенне несанкцыянаваных акцый пратэсту былі затрыманыя некалькі дзесяткаў актывістаў неафіцыйнага СПБ, а кіраўнікоў арганізацыі асудзілі.

Гэтыя дзеянні выклікалі незадавальненне афіцыйнай Варшавы і еўраструктур.

Прадстаўнікі Саюза палякаў спадзяюцца, што міжурадавая камісія вырашыць іх праблемы. Актывісты незарэгістраванай структуры СПБ разлічваюць на легалізацыю, афіцыйнай — на наладжванне дыялогу з Варшавай.

Старшыня Галоўнай рады неафіцыйнага СПБ Анджэй Пачобут таксама выказаў надзею на тое, што ў выніку працы беларуска‑польскай камісіі ў Беларусі спыніцца практыка камерцыялізацыі Дамоў польскіх, і яны будуць выкарыстоўвацца выключна ў культурна‑асветніцкіх мэтах, як гэта і меркавалася першапачаткова.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international