Слуцк: Назіральніку ад БХК скасавалі рэгістрацыю
Віталь Амяльковіч быў акрэдытаваны ў якасці назіральніка ад “Беларускага Хельсінкскага камітэта” і прысутнічаў на паседжаннях Слуцкай раённай камісіі. Але сёння, 18 сакавіка, В. Амяльковіча запрасілі ў раённую камісію і паведамілі, што пры ягонай рэгістрацыі была дапушчана памылка, якая была неадкладна выпраўлена сябрамі камісіі -- прадстаўніка БХК акрэдытацыі ў якасці назіральніка проста пазбавілі. В.Амяльковіч зараз плануе сабраць подпісы грамадзянаў і падаць новую заяву, каб зноў атрымаць рэгістрацыю ў якасці назіральніка.
Нагадаем, што ў Салігорску кіраўніку мясцовай філіі БХК Леаніду Мархотку адмовілі ў акрэдытацыі ў якасці назіральніка ад праваабарончага аб’яднання, і ён таксама збіраў подпісы выбаршчыкаў.
“Праваабаронцы за свабодныя выбары”
