Беспрэцэдэнтны выпадак у Свіслачы: зацверджаныя ў камісіі сябры БСДГ выведзены з іх складу

2010 2010-03-15T14:35:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Беспрэцэдэнтны выпадак у гісторыі выбарчага працэсу зафіксаваны ў раённым цэнтры Свіслач, што на Гарадзеншчыне. Партыя БСДГ вылучыла ў участковыя камісіі 4-х сваіх сябраў – Мікалая Лукшу, Міхаіла Казака, Аляксандра Палубінскага і Дзмітрыя Бузука, яшчэ трох мясцовых грамадска-палітычных актывістаў вылучаліся шляхам збору подпісаў і падавання адпаведнай заявы.

На паседжанне адміністрацыі Свіслацкага райвыканкаму Гарадзенскай абласной арганізацыяй Беларускай сацыял-дэмакратычнай Грамады быў накіраваны яе прадстаўнік Віктар Дзесяцік, які 9 сакавіка прысутнічаў на паседжанні адміністрацыі, калі фармаваліся склады ўчастковых камісій. Падчас паседжання прозвішчы сяброў камісіі не агучваліся, аднак афіцыйна было заяўлена, што ўсе вылучаныя ўвайшлі ў іх склад, за выняткам двух асобаў, якія раней мелі судзімасці. У наступныя дні вылучаным партыйцам і грамадска-палітычным актывістам тэлефанавалі з выканкаму і паведамлялі пра тое, што яны ўключаныя ў склад участковых выбарчых камісій.

Афіцыйна надрукаваныя склады ўчастковых камісій выйшлі толькі 13 сакавіка ў мясцовай раённай “Свіслацкай газеце”. Аднак, нікога з 7 прадстаўнікоў БСДГ і вылучаных грамадс-палітычных актывістаў у складах камісій няма.

Незалежныя назіральнікі дапускаюць версію, што такі абсурд мог здарыцца ў выніку таго, што калі стала вядома пра рашэнне Свіслацкай адміністрацыі, у справу маглі ўмяшацца абласныя ўлады ці нейкія іншыя службы. У выніку адбылася “элегантная зачыстка” прадстаўнікоў мясцовай дэмакратычнай супольнасці.    

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international