Віцебшчына: Калектывы вылучаюць у дэпутаты начальнікаў

2010 2010-03-12T14:14:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

На Віцебшчыне працягваецца вылучэнне кандыдатаў у дэпутаты ў мясцовыя Саветы дэпутатаў.

Традыцыйна мясцовыя чыноўнікі і начальнікі не гараць асаблівым жаданнем вылучацца праз рэгістрацыю ініцыятыўных груп для збору подпісаў. Каб стаць кандыдатам у дэпутаты, неабходна ўсяго толькі задзейнічаць адміністрацыйны рэсурс і лёгка, пры “аднагалосным” жаданні працоўнага калектыва, зрабіць крок да жаданага дэпутацкага мандата. У абласным цэнтры гэты спосаб найболіш распаўсюджаны ў бягучай выбарчай кампаніі. Вось апошнія факты, якія пацвярджаюць гэта назіранне.

Калектыў віцебскай сярэдняй школы №11 вылучыў дзеючага старшыню Віцебскага гарадскога Савета дэпутатаў кандыдатам у дэпутаты 26 склікання па Хмяльніцкай выбарчай акрузе №6.

Працоўны калектыў Віцебскага дзяржаўнага тэхналагічнага ўніверсітэта вылучыў кандыдатам у дэпутаты абласнога Савета дэпутатаў па Праўдзінскай выбарчай акрузе №48 дырэктара ДРУП “Дзяржбудэкспертыза” па Віцебскай вобласці Мікалая Каневалава. На гэтым жа сходзе пуцёўку ў дэпутаты Віцебскага гарсавета атрымаў па Тэхналагічнай выбарчай акрузе №9 прарэктар па адміністрацыйна-гаспадарчай працы дадзенага ВНУ Аляксей Шут.

На канферэнцыі ў Віцебскім дзяржаўным медыцынскім універсітэце ў Віцебскі абласны Савета дэпутатаў аднагалосна вылучылі дырэктара Віцебскага дзяржаўнага медыцынскага каледжа Аляксандра Цяцоху і ў Віцебскі гарадскі Савет дэпутатаў дырэктара РУПП “Белвіцуніфарм” Алега Маркушава.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international