Віцебшчына: Квота прадстаўнікоў партый і арганізацый у камісіях заканчвалася на дэмакратах

2010 2010-03-12T11:38:34+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Грамадскія структуры Віцебшчыны працягваюць аналізаваць вынікі фармавання ўчастковых выбарчых камісій. Віцебскія актывісты БХД вылучылі 9 прадстаўнікоў у якасці кандыдатаў у сябры ўчастковых выбарчых камісій, але толькі 2 сяброў ад гэтай палітычнай структуры будуць працаваць ва ўчастковых камісіях - па адным у гарадах Глыбокае і Паставы. Астатнія 7 актывістаў БХД (4 у Віцебску і 3 у Оршы), сярод якіх каардынатар па стварэнні БХД па Віцебскай вобласці Таццяна Севярынец і сустаршыня партыі Павел Севярынец, у камісіі не патрапілі.

У Верхнядзвінску мясцовае няўрадавае грамадскае аб'яднанне “Сям'я” вылучыла ў склад участковых камісій 16 сяброў, 8 з якіх былі ўключаныя ў камісіі (2 будуць працаваць ва ўчастковых камісіях, размешчаных у горадзе Верхнядзвінску, а 6 у камісіях, размешчаных у сельскай мясцовасці).

Няўрадавая абласная грамадская структура “Самакіраванне і грамадства”, якая вылучыла 9 сваіх прадстаўнікоў у якасці кандыдатаў ва ўчастковыя камісіі, маюць у выніку 1 свайго прадстаўніка ў камісіі пасёлка Езярышча Гарадокскага раёна. Ні ў Верхнядзвінску, ні ў Гарадку, ні ў Наваполацку, ні ў Оршы і Віцебску ніхто не патрапіў ва УВК, у тым ліку і былы палітвязень Сяргей Парсюкевіч.

Прычыны, якімі аргументавалі сваю адмову прадстаўнікам грамадскасці ў выканкамах, не адрозніваюцца асаблівай арыгінальнасцю і разнастайнасцю. Часцей за ўсё прычынай адмовы з'яўлялася адсутнасць у кандыдатаў неабходнага досведу, альбо асабістыя якасці, як напрыклад у Леаніда Гаравога з г. Гарадок, якога мясцовыя чыноўнікі лічаць злосным суцяжнікам.

Акрамя таго, яшчэ адна распаўсюджаная прычына адмовы складалася ў тым, што нібы квота для прадстаўнікоў ад грамадскіх структур у выбарчых камісіях вычарпаная, і заканчвалася яна чамусьці менавіта на кандыдаце ад апазіцыйных партый або няўрадавай арганізацыі.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international