Пінск: Участковыя выбаркамы сфармавалі паводле прынцыпу “нікога не ўключылі, каб нікога не пакрыўдзіць”

2010 2010-03-11T11:43:36+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

10 сакавіка ў Пінску адбылося паседжанне тэрытарыяльнай гарадской выбарчай камісіі па фармаванні ўчастковых камісій. У выніку ў іх склад не ўключылі ніводнага прадстаўніка ад палітычных партый. 

На паседжанні прысутнічаў старшыня Пінскай гарадской Рады партыі БНФ Алесь Рамановіч. Калі ён запытаўся, чаму не ўключылі прадстаўнікоў Партыі БНФ у склад участковых камісій, старшыня камісіі Берасцень І.М. адказаў, што было вельмі шмат вылучэнцаў ад палітычных партый і, каб нікога не пакрыўдзіць, нікога з прадстаўнікоў палітычных партый не ўключылі.

Старшыня Пінскай гарадской Рады партыі БНФ Алесь Рамановіч вылучаецца кандыдатам ад партыі ў гарадскі Савет дэпутатаў па Аэрафлоцкай выбарчай акрузе № 16 г. Пінска. На гэтай акрузе два выбарчыя ўчасткі, таму ад Партыі БНФ вылучаліся два прадстаўніка ва ўчастковыя камісіі.

Алесь Рамановіч працягвае ўдзельнічаць у выбарчай кампаніі. Але ён сцвярджае, што ў любы момант можа зняць сваю кандыдатуру, таму што падобная сітуацыя паказвае бессэнсоўнасць выбараў.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international