Справа палітзняволенага Сяргея Скрабца знаходзіцца на дадатковым дасьледаваньні ў Вярхоўным судзе.

24.11.2005.

Пра гэта «Радыё Свабода» паведаміў адвакат Алег Дубавец, які па-ранейшаму займаецца справай вядомага апазыцыйнага палітыка, былога дэпутата і кіраўніка групы "Рэспубліка". Паводле адваката, справа будзе знаходзіцца ў сьледчых да 3 студзеня 2006 году.

Жонка Сяргея Скрабца Аляксандра кажа, што яе муж, які па-ранейшаму знаходзіцца ў сьледчым ізалятары на вуліцы Валадарскага ў Менску, працягвае сваю трэцюю галадоўку, якая пачалася 1 лістапада.

Сяргея Скрабца афіцыйна абвінавачваюць у трох выпадках парушэньня заканадаўства — выманьваньні крэдытаў у дзяржавы, незаконнай прадпрымальніцкай дзейнасьці і падрыхтоўцы да дачы хабару ў асабліва буйных памерах. Ён быў арыштаваны ў сярэдзіне траўня. Спачатку яго ўтрымлівалі ў Берасьцейскім сьледчым ізалятары, дзе ён на знак пратэсту галадаваў амаль сорак дзён. Пасьля ён быў пераведзены ў сьледчы ізалятар у Менску.

Дадаць камэнтар

Камэнтары