Ідэалагічная вертыкаль спрабуе сарваць праграму візіта Аляксандра Мілінкевіча ў Бабруйск

2005 2005-11-23T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Пра гэта паведаміла Прэс-група Штаба падтрымкі Аляксандра Мілінкевіча,
адзінага прэтэндэнта на пасаду прэзідэнта Рэспублікі Беларусь

Намеснік старшыні Бабруйскага гарадскога выканаўчага камітэта па ідэалогіі Міхаіл Кавалевіч забараніў мясцовым газетам прымаць рэкламныя абвесткі, у якіх гаворыцца пра прыезд 24 лістапада ў Бабруйск лідэра дэмакратычнай Беларусі Аляксандра Мілінкевіча.

Паводле Алеся Чыгіра, дэпутата Бабруйскага гарсавета, які з’яўляецца адным з арганізатараў візіта Аляксандра Мілінкевіча, актывісты дэмакратычных сіл горада звярнуліся ў рэдакцыі мясцовых газет “Камерцыйны кур’ер” і “Вячэрні Бабруйск” з просьбай змясціць на іх старонках рэкламную платную абвестку пра гарачую тэлефонную лінію Аляксандра Мілінкевіча з жыхарамі горада.

Адна з газет нават прыняла аплату за рэкламу, але пасля ўмяшальніцтва чыноўнікаў гарвыканкама, рэдакцыя прыняла рашэнне не друкаваць абвестку і вярнула арганізатарам гарачай тэлефоннай лініі пералічаныя грошы.

Нягледзячы на перашкоды з боку мясцовай улады Штаб падтрымкі Аляксандра Мілінкевіча заяўляе аб тым, што гарачая тэлефонная лінія адзінага прэтэндэнта з жыхарамі Бабруйску адбудзецца ў запланаваны час – 24 лістапада з 14 да 16 гадзіны па тэлефоне (8 0225) 48 27 52

Нагадаем, што Аляксандр Мілінкевіч плануе прыбыць у Бабруйск 24 лістапада а 10 гадзіне. У праграме, акрамя гарачай тэлефоннай лініі, публічная сустрэча на рынку з прадпрымальнікамі, мясцовай творчай інтэлігенцыяй, рабочымі, актывістамі дэмакратычных партый і арганізацый, а таксама прэсавая канферэнцыя для журналістаў мясцовых і рэспубліканскіх СМІ.

Кантактныя асобы:
Сяргей Вазняк, кіраўнік прэс-групы – (8 0295) 64 04 22
Павал Мажэйка, прэс-сакратар А.Мілінкевіча – (8 0296) 60 72 99

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international